Ահա և ավարտվեց առաջին կիսամյակը։ Մենք այս մի քանի ամիսների ընթացքում հասցրեցինք ձեռք բերել շատ ընկերներ, ծանոթանալ դպրոցի մշակույթին և ավանդույթներին։ Հասկացա, որ այս դպրոցը տարբերվում է ցանկացած այլ դպրոցից, տարբերություները շատ են. օրինակ այն՝ որ մենք այս դպրոցում աշխատում ենք համակարգչով, այլ ոչ թե դասագրքով, առավոտյան մինչ դասի անցնելը մենք միասին պարում ենք, երգում…
Ծանոթացանք ուսուցիչներին, ովքեր պատրաստ էին օգնել ամեն հարցում։ Միասին հենց առաջին օրը ճանապարհորդեցինք, մենք հաղթահարեցինք Արագած լեռան հարավային գագաթը, ուսումնասիրեցինք մեր քաղաքի արձաները և Երևան-2800 նախագծով քայլեցինք մեր քաղաքում և ծանոթացանք մեր մեծերի արձաններին:
Հոկտեմբերին մենք ճամփորդեցինք Գյումրի, այցելեցինք Գոհար մանկապարտեզ, Եղանք թանգարաններում և զբոսնեցինք հին Գյումրիում։
Նաև բնագիտություն առարկայի ժամին այցելեցինք Մխիթար Սեբաստացի կրթահամալիրի Աստղացուցարան, որտեղ դիտեցինք մոլորակների մասին ֆիլմ։ Եղել ենք Կարմիր բլուրում և ծանոթացել մեր քաղաքի պատմությանը։
Գրականությունից կարդացինք արտասահմանյան գրողների ստեղծագործությունները, որոնք հարստացրեցին մեր գիտելիքները և միտքը: Կատարել եմ թարգմանություն մի իրի պատմություն նախագծով: Նաև անգլերենի դասաժամերին կատարել եմ շատ վարժություններ և շարադրություներ։
Էկոլոգիա առարկայի դասին այց կատարեցինք Մխիթար Սեբաստացի կրթահամալիրի ձիարշավարան, տեսանք ագարակի բնակիչներին` ձիերին, սագերին, շներին և այլն:
Այս մի քանի ամիսը այնքան հետաքրքիր էր, որ անցավ մի քանի օրվա պես։ Իմ բացակայություները դպրոցում շատ չեն, քանի որ դպրոցում ժամանակս անցնում է արագ և հետաքրքիր, ծնողներս ևս կողմ են նման կրթությանը, որովհետև նրանք կարծում են որ ճանապարհորդելով և համակարգչով աշխատելով ձեռք եմ բերում ավելի շատ գիտելիքներ, քան դասագրքով։
Եվ ահա արդեն դեկտեմբեր ամիսն է, մենք կատարում ենք Ամանորյա նախագծեր։ Իմ բլոգում Ամանորի հետ կապված շատ տեղեկություներ և նյութեր կան։ Ես սիրում եմ իմ դպրոցը։ Քանի որ շուտով Ամանոր է, մնում է ասել բոլորիդ` շնորհավոր Ամանոր և Սուրբ ծնունդ:
Բարսեղյան Նելլի 